Hoxe, como en tempos dos Romanos e Árabes, o balneario de Carballo, segue recibindo un fluxo continuado de visitantes, procedentes de tódalas partes do país, para beneficiarse das excelentes virtudes terapéuticas das súas aguas minero mediciñais 'Sulfurado Sódicas', que emerxentes a unha temperatura de 42 ºC, dan vida ó noso manantial.

Na actualidade, no complexo hotel-balneario de Carballo, a zona destinada ó balneario está equipada con tecnoloxía avanzada, disposta para ofrecerlle un amplo abanico de solucións terapéuticas, baixo control dun director médico e o seu equipo de auxiliares en técnicas termais, masaxitas, etc.